Emma I

2018 Emma

Beste Doorzètters en Doorzètterinnekes,

Miene naam is Emma Schoonbrood, 11 jaor geleje bèn ich gebaore op 4 desember 2006 in ’t auwt ziekenhoes in Zitterd. Bienao 3 jaor geleje kreeg ich ein breurke Stijn.
Mèt zien veerkes wone veer al vanaaf mien gebaorte in de Cartylshofstraot 32 in Nirbik.

Twee keer in de waek sjpeel ich basketbal bie BC Boemerang in Uermend. Wiejer gaon ich gaere mèt mien vrundinne ein ròndje door de Makado loupe en sjpeel ich gaere Mincraft. Ich zit in groep 7 bie meister Roy en juf Marisol.

Enj 2015 mòch ich dan eindelik bie de jeugraod omdat ich toen in groep 5 zaot.
Ik druimde al jaore dat ich prinses mòch waere mer mien auwers zagten ummer dat dit neet ging gebäöre.
Op 23 september dach ik dat veer gedrieds in Mestreech zouwe gaon shoppe.
Zjus van teveure kaome opa en oma op mien breurke passe en vertèlde pap en mam mich dat veer op sjtap ginge met ein missie, namelik nao ein kleijeratelier in Mestreech òm de maote op te numme veur mien prinsesseklèdje.

Ich koosj neet geluive dat dit mich ech euverkaom en ich waor superbliej.
Ich moos ’t noe waal superlang geheim hauwte mer wis ouch dat ich ’t aan nemes mòch vertèlle.
Gelökkig mòch ich ’t de volgende daag waal aan Kirsten vertèlle umtot ich häör ès miene adjedant wòl vraoge. Gelökkig zag zie geliek “jao”.
Same höbbe veer ‘t 15 waeke lang sjtil gehauwte en noe maog eindelik de ganse welt ‘t weite, dat veer, same mèt de Doorzètters en de luuj van Nirbik eine supersjieken tied gaon kriege.

’t Meiste vruij ich mich op de optochte en òm veurop te gaon in de polonaise.

Ich sjleet aaf mèt mien liefsjpreuk:

 

Mèt vasteloavend goan ich mit miene adjedant en raod alles gaeve,
òm same mit uch ein supersjieken tied te belaeve!! 

Tot zeens en alaaf!
Prinses Emma 1

Wie is online

We hebben 18 gasten en geen leden online